Luan Krasniqi, boksieri i kategorisë së rëndë nga Rottweili, edhe pas anulimit të meçit të paraparë kundër Dimitrenkos në mars, është përplot angazhime.

Krahas trajningut çdoditor, i arrijnë ftesa të shumta që e bëjnë të jet tejet të angazhuar. Kështu, edhe muaji shkurt do të jet përplot angazhime. Pas aktiviteteve sportive në Biberach, Krasniqi do të fluturoj për në Nju Jork ku me ftesën e RTL, do të prezantoj si mysafir-bashkëbisedues në meçin që do të zhvillohet në mes të Vladimir Klitschko dhe Sultan Ibragimov.

Më pastaj, me të kthyer në Gjermani, Luan Krasniqi sërish do të jet në lëvizje në mënyrë që në shkolla të angazhohet kundër varshmërisë ndaj lojërave-program ky që e zhvillon në bashkëpunim me Totto-Lotton e Baden Württemergut me moton "Mos u bë kundërshtar i vetvehtes".

Përkundër angazhimeve që ka, ky sportist nga Rottweili, nuk e humbas dot nga mendja terminin për një luftë të mëtejshme. Se kur do të ndodhë kjo, akoma nuk është sqaruar, kurse Krasniqi thot: „Promoteri im Klaus-Peter Kohl më ka thënë se do të bëj çdo gjë për të organizuar një duel në gjysmën e parë të vitit 2008. Kësaj unë i besoj."

Dhe, edhe pse nuk është caktuar akoma termini, boksieri Luan Krasniqi, megjithatë duhet të përgatitet për luftën e ardhshme: „Një duel mund të arrij më shpejtë se sa që njeriu kujton, ndaj për këtë moment duhet të jamë i përgatitur dhe në formë. Unë dëshiroj që ta realizoj ëndrrën time dhe ta shfrytëzoj edhe njëherë shansin për tu bërë kampion botëror."