Start i mrekullueshëm -
përfundim i idhët

Që në start u vërejtë tek Luan Krasniqi se ai synonte ngadhnjim ndaj edhe është qasur si fishekzjarre. Por në raundin e tretë, pas një goditje nga kundërshtari, ishte mbarim i luftës, luftë e cila ka mundur të jet lufta më interesante e vitit në kategorinë e rëndë në sportin e boksit në Gjermani.

Goditje kjo që, sipas Klaus Peter Kohl është „goditje më e shpeshtë në boks”, kushtëzoi përfundimin e parakohshëm të luftës, për të cilën Luani nga Rottweili, bëri përgatitje të mëdha.

Kjo është edhe më e idhët ngase Krasniqi sipas që të tre referëve vlerësues ishte në avantazhë me 3:0 pikë dhe se deri në përfundim të raundit të tretë kishin mbetur vetëm edhe pesë sekonda të cilët ai duhej ti përballonte.

Por, një goditje e tillë të cilën njeriu nuk e përballon dot brenda një kohe të shkurtër shkakton çrregullim dhe përkundër dëshirës dhe forcës, nuk arrin dot të ngritet. Firat Arslan- një specialist në çështjet e goditjes së tillë, pas meçit tha se “kjo zgjat dy orë, derisa njeriu mund të bëj diç”.

Deri në çastin e kësaj godtitjeje të idhët, Luan Krasniqi iu kundërvu të gjithëve të cilët këtë luftë e shikonin me pesimizëm, sepse që nga sekonda e parë ai marshonte përpara dhe ishte dominues në këtë luftë boksi. Si edhe ishte paralajmëruar, ai ishte përsëri ai Luan nga Rottweili i cili u ngjit në ring dhe në formën e tij e ngazlleu publikun e pranishëm.

Dhe jo vetëm simpatizuesit e shumtë të cilët e mbështetën zëshëm Krasniqin me rezultatin e të cilit u ngazllyen, por edhe Felix Sturm, i cili pas kësaj lufte, deklaroi: „Një gjë e tillë mund ti ndodhë secilit. Kjo i ka ndodhur Lennox Lewis dhe shumë kampionëve tjerë. Luani duhet të mburret me rezultatin e tij“.

Poashtu edhe Regina Halmich foli me admirim për Luan Krasniqin: “Ai ishte shumë i mirë.Ky ishte ai Luan i vjetër“. Këta kampion sikundër edhe simpatizuesit e shumtë të entusiazmuar, që nuk deshën të dëgjojnë për tërheqje, pas meçit deshën që të jenë sa më afër heroit të tyre.

Luan Krasniqi pas këtij meçi deklaroi: „Sëpari më duhet që në qetësi, me familjen dhe njerëzit e mi që më jan afër ta bisedoj e pastaj do të marr vendim përkatës“.

(151108)

zurück zu News